साउनामा दम्पतीको मृत्यु : फिटनेस सेन्टरकी सञ्चालक पक्राउ
<p>काठमाडौं। साउना लिने क्रममा निसासिएर एक दम्पतीको मृत्यु भएको घटनामा ललितपुरको फिट एण्ड फाइन एरोबिक फिटनेस क्लबकी सञ्‍चालक जुना बस्‍नेतलाई पक्राउ गरिएको छ।</p>
<p>फिटनेस सेन्टरको लापरबाहीका कारण दुईजनाको मृत्यु भएको उजुरी परेपछि ३६ वर्षीया बस्‍नेलाई १९ माघ साँझ पक्राउ गरी अनुसन्धान थालिएको सातदोबाटोस्थित महानगरीय प्रहरी वृत्तका डीएसपी मित्रबन्धु शर्माले <em>देखापढी</em>लाई बताए।</p>
<p>१६ माघमा ललितपुर महानगरपालिका १४ स्थित फिट एण्ड फाइन जिमखानामा जिम गरिसकेपश्चात साउना लिने क्रममा निस्सासिएर ललितपुर-१५ का ४० वर्षीय हस्त थापा र उनकी ३७ वर्षीया श्रीमती नेत्र पुनको मृत्यु भएको थियो।</p>
<p>"मृतक हस्त थापाकी दिदी पौकाकरी पुनले सञ्चालकको लापरबाहीले भाइबुहारीको मृत्यु भएकोले कारवाहीको माग गर्दै निवेदन दिनुभएको छ। हामीले घटनाको अनुसन्धान थालेका छौं", डीएसपी शर्माले भने, "साउना लिएर ग्याँस गिजरमा नुहाउँने क्रममा निसास्सिएर मृत्यु भएको प्रारम्भिक अनुसन्धानमा खुलेको छ। सञ्‍चालकले सुरक्षा र सावधानीको उपाय अपनाएको देखिएन।"</p>
<p>प्रहरी हिरासतमा रहेकी जिम सेन्टरकी सञ्चालक बस्‍नेतलाई ज्यानसम्बन्धी लापरबाही मुद्दा अन्तर्गत कारवाही अघि बढाउने तयारी भएको उनले बताए।</p>
<p><strong>पढ्नुहोस्:</strong></p>
<p><a href="https://dekhapadhi.com/news/6022" target="_blank">महिला र पुरुष एउटै कोठामा पस्न नमिल्ने साउनामा कसरी सँगै बसे दम्पती?</a></p>
<p><a href="https://dekhapadhi.com/news/6009" target="_blank"><strong>ललितपुरको फिटनेश सेन्टरमा दम्पतीको मृत्यु</strong></a></p>
प्रतिक्रिया दिनुहोस्
.jpg)
