भोजपुरमा पढाईमा आकर्षित गर्न विद्यार्थीलाई गाउँपालिकाको न्यानो कपडा
<p>भोजपुर। भोजपुरको पौवादुङमा गाउँपालिकाले विद्यार्थीहरुलाई न्यानो कपडा वितरण गरेको छ।</p>
<p>चिसोको कारण विद्यार्थीको पठनपाठन प्रभावित भएकोले लेकाली क्षेत्रका विद्यार्थीहरुलाई न्यानो कपडा बाँडिएको गाउँपालिकाले जनाएको छ। </p>
<p>पौवादुङमा-१ श्यामशिलामा रहेको राधाकृष्ण माध्यमिक विद्यालयका ४६२ जना र तिवारीभञ्याङ माध्यमिक विद्यालयका विद्यार्थीलाई न्यानो कपडा वितरण गरिएको हो।</p>
<p><img alt="" height="720" src="https://www.dekhapadhi.com/storage/photos/shares/Education/bhojpur dress gaupalika 1.jpg" width="960" /></p>
<p>शैक्षिक गुणस्तर बढाउनलाई सहयोग गर्ने कार्यक्रमस्वरुप दिवा खाजा, न्यानो कपडा वितरणमा लगानी गरिएको गाउँपालिका प्रमुख किरण राईले बताए।</p>
<p>पञ्चकन्या माध्यमिक विद्यालय, मानेडाँडा माध्यमिक विद्यालय, जनकल्याण आधारभुत विद्यालय, महालक्ष्मी आधारभुत विद्यालयमा पनि न्यानो कपडा वितरण गर्ने योजना रहेको बताइएको छ।</p>
<p>"जाडो याममा विद्यालय ३० प्रतिशत विद्यार्थी अनुपस्थित भएको पायौं। न्यानो कपडाका कारण उपस्थिति संख्या बढ्ने आशा गरेका छौं", गाउँपालिका उपाध्यक्ष सम्झना राईले भनिन्।</p>
प्रतिक्रिया दिनुहोस्
.jpg)
