चन्द समूहका सर्लाही इन्चार्ज कुमार पौडेल हत्याका दोषीमाथि कारवाही थाल्न गृह मन्त्रालयको निर्देशन
<p>काठमाडौं। गृह मन्त्रालयले नेत्रविक्रम चन्द नेतृत्वको नेकपा सर्लाहीका इन्चार्ज कुमार पौडेलको हत्या प्रकरणमा मुछिएका पाँचजना सुरक्षाकर्मीमाथि कारवाही थाल्न प्रहरी मुख्यालयलाई निर्देशन दिएको छ।</p>
<p>गृहसचिव प्रेमकुमार राईले राजीनामा दिएकै १७ माघमा सिफारिस कार्यान्वयनको जानकारी राष्ट्रिय मानवअधिकार आयोगमा पुगेको छ।</p>
<p>पौडेललाई प्रहरी नियन्त्रणमा लिएर नौ गोली हानिएको निष्कर्षसहित आयोगद्वारा घटनामा संलग्न पाँचजना सुरक्षा अधिकारीमाथि कारवाही गर्न सरकारलाई तीन महीनाअघि सिफारिस गरेको थियो।</p>
<p>सिफारिसअनुसार कारवाहीको म्याद गुज्रिेपछि गृह मन्त्रालयले बल्ल आयोगलाई कारवाहीबारे जानकारी दिएको छ।</p>
<p>तीन महीनाभित्र कारवाही गरी जानकारी पठाउन आयोगले ५ कात्तिकमा सिफारिस गरेको थियो। कारवाहीको जानकारी पठाउने म्याद भने ५ माघ मै सकिएको हो।</p>
<p>आयोगको छानबिनले सर्लाहीका इन्सपेक्टर कृष्णदेवप्रसाद साह, हवल्दारद्वय विनाद साह र सत्यनारायण मिश्र घटनामा प्रत्यक्ष संलग्न र कमान्डर रहेको ठहरसहित तत्काल निलम्बन गरी मुद्दा चलाउन सिफारिस गरेको थियो।</p>
<p>आजको कान्तिपुर दैनिकको समाचार अनुसार इन्सपेक्टरद्वय किरणप्रसाद न्यौपाने र सूर्यकुमार कार्कीलाई घटनाको मुचुल्कामा त्रुटीपूर्ण काम गरेकोमा सचेत गराउन सिफारिस गरिएको थियो।</p>
<p>आयोगजका सचिव वेद भट्टराईले सिफारिस कार्यान्वयन गर्न प्रहरीलाई दिर्नेशन दिएको जानकारी आएको बताए।</p>
प्रतिक्रिया दिनुहोस्
.jpg)
