नेपाली ध्वजावाहकमा काठमाडौं आउँदै अमेरिकी क्रिकेट टोली
<p>काठमाडौं। आइसीसी क्रिकेट विश्वकप लिग–२ को त्रिकोणात्मक एकदिवसीय शृंखला खेल्नका लागि अमेरिकी टोली आज नेपाल आउँदैछ।</p>
<p>अमेरिकी टोली आज भारतको मुम्बईबाट नेपाल एअरलायन्सको ‘आरए २०२’ विमानबाट काठमाडौं आइपुग्नेछ। युएस क्रिकेटले दिल्ली विमानस्थलको तस्वीर राखेर ट्‍वीट गरेको छ, ‘नमस्ते नेपाल। हामी काठमाडौं आउँदैछौं।’</p>
<p>अमेरिकी क्रिकेटको ट्‍वीटलाई मेन्सन गर्दै नेपालस्थित अमेरिकी दूतावासले लेखेको छ, ‘भिजिट नेपाल २०२०। अमेरिकी टीमलाई स्वागत छ।’ </p>
<p>नेपाल, अमेरिका र ओमन सम्मिलित त्रिकोणात्मक शृंखला २२ माघदेखि कीर्तिपुरस्थित त्रिवि क्रिकेट मैदानमा हुनेछ। त्यसका लागि अमेरिकी क्रिकेट टोलीले भारतको मुम्बईमा अभ्यास गरेको थियो।</p>
<p>अमेरिकी टोली २४ जनवरीमा भारत आइपुगेको थियो। अमेरिकी टोलीले सचिन तेन्दुलकर जिमखाना क्रिकेट मैदानमा मुम्बई क्रिकेट एशाेसियसन–११ टीमसँग तीन मैत्रीपूर्ण खेल खेलेको थियो।</p>
<p style="text-align:center"><img alt="" height="768" src="https://www.dekhapadhi.com/storage/photos/shares/Sports/US Cricket Team.jpg" width="1024" /></p>
<p> </p>
प्रतिक्रिया दिनुहोस्
.jpg)
