रहेनन् न्यूजिल्याण्डका पूर्व प्रधानमन्त्री माइक मुर
<p>काठमाडौं। न्यूजिल्याण्डका पूर्व प्रधानमन्त्री माइक मुरको ७१ वर्षको उमेरमा निधन भएको छ। </p>
<p>अकल्यान्डस्थित आफ्नै घरमा स्थानीय समय अनुसार आइतबार बिहान उनको निधन भएको उनकी पत्नी योभुन मुरले बताइन्।</p>
<p>मुर सन् १९९९ देखि २००२ सम्म विश्व व्यापार संगठन (डब्लुटिओ)का पूर्व महानिर्देशक पनि थिए। डब्लुटिओको तेस्रो नेतृत्वमा उनको कार्यकालमै चीन विश्व व्यापारमा प्रवेश गरेको थियो। </p>
<p>न्यूजिल्याण्डमा उनको राजनीतिक जीवन सक्रियता लामो भए पनि प्रधानमन्त्री भने धेरै समय भएनन्। सन् १९९० मा निर्वाचनमा पराजित हुनुभन्दा पहिले उनी जम्मा दुई महीनाका लागि प्रधानमन्त्री भएका थिए।</p>
<p>सन् २०१५ बिरामी हुनुपुर्व उनी पाँच वर्षसम्म अमेरिकाका लागि न्यूजिल्याण्डका राजदूत थिए। </p>
<p>न्यूजिल्याण्डका प्रधानमन्त्री ज्याकिन्डा आर्डनले मुरले आफ्नो सिंगो जीवन देशको सेवामा लगाएको टिप्पणी गरेका छन्। भने, “विशाल ज्ञान र विशाल हृदय भएको मानिस संसारले गुमाएको छ।”</p>
<p>- <em>गार्जियन</em>बाट</p>
<p><br />
</p>
प्रतिक्रिया दिनुहोस्
.jpg)
