कैलालीमा दुर्घटना हुँदा युवककाे मृत्यु, एम्बुलेन्स र चालक नियन्त्रणमा
<p>कैलाली। कैलालीकाे लम्कीचुहा नगरपालिकामा १८ माघमा मोटरसाइकल दुर्घटना हुँदा २२ वर्षीय मायाराम चाैधरीकाे मृत्यु भयाे।</p>
<p>गाडीले ठक्कर दिएकाे हुन सक्ने भन्दै अनुसन्धानका लागि प्रहरीले एम्बुलेन्स र चालकलाई नियन्त्रणमा लिएको छ।</p>
<p>युवककाे मृत्यु भएपछि स्थानीयले बाटाे अवरूद्ध गरेका छन्। प्रहरीले बाटाे खुलाउने क्रममा लाठीचार्जसमेत गरेकाे थियाे।</p>
<p>स्थानीयका अनुसार अहिले पनि लम्की खण्ड अवरूद्ध छ।</p>
<p>जिल्ला प्रहरी कार्यालय कैलालीका प्रहरी नायव उपरीक्षक दक्षकुमार बस्नेतले एम्बुलेन्स र चालकलाई नियन्त्रणमा लिएर अनुसन्धान थालेकाे जानकारी दिए।</p>
प्रतिक्रिया दिनुहोस्
.jpg)
