कंचनपुरको पुनर्वासमा सशस्त्रको बीओपी स्थापना
<p>कैलाली। भारतसँग सीमा जोडिएको कंचनपुरको दक्षिण पुनर्वास नगरपालिका- ९ मा सशस्त्र प्रहरी बलको बोर्डर आउट पोस्ट (बीओपी) स्थापना गरिएको छ।</p>
<p>सीमा सुरक्षा, सीमा अतिक्रमण न्यूनीकरण र सीमा क्षेत्रमा हुने अपराध गतिविधि नियन्त्रण गर्न बीओपी स्थापना गरिएको सशस्त्र प्रहरीले जनाएको छ।</p>
<p>भारतसँगको सिमानाका कंचनपुरका १३ स्थानमा बीओपी राख्‍न काम भइरहेको सशस्त्र प्रहरी बल ३५ नम्बर गण हेडक्वार्टर शैलेश्वरी गणका प्रमुख सशस्त्र प्रहरी नायब उपरीक्षक वीर सिंह शाहुले बताए।</p>
<p>बीओपी स्थापनाले पछिल्लो समय उब्जिएको सीमा अतिक्रमण नियन्त्रणको विषयमा समेत सहज हुने शाहुले बताए।</p>
<p>योसँगै कंचनपुरका छ वटा स्थानमा बीओपी स्थापना भइसकेको छ।</p>
प्रतिक्रिया दिनुहोस्
.jpg)
