धनगढीमा शैक्षिक मेला सञ्चालन हुने
<p>कैलाली। धनगढीमा शिक्षा क्षेत्रलाई लक्षित गरी शैक्षिक मेला सञ्चालन हुने भएको छ।</p>
<p>विद्यार्थीहरूका लागि विभिन्न शैक्षिक परामर्श दिने लक्ष्यका साथ सञ्चालन हुने मेलामा धनगढी, काठमाडौंलगायत भारतसमेतका शैक्षिक संस्थाहरूको उपस्थिति रहनेछ।</p>
<p>कक्षा १० देखि १२ सम्मका छात्रछात्रालाई लक्षित गरी शैक्षिक मेलाको आयोजना गरिन लागेको हिमालयन एजुकेशन ट्रेनिङ् एण्ड रिसर्च सेन्टर प्रालिका प्रबन्धक निर्देशक भरतराज जोशीले बताए।</p>
<p>उनले मेलामा २५ वटा भन्दा बढी शैक्षिक संस्था र १००० भन्दा बढी विद्यार्थीहरूको सहभागिता गराउने लक्ष्य रहेको बताए।</p>
<p>मेला २२-२३ माघमा हुनेछ। मेला बिहान १० बजेदेखि साँझ ५ बजेसम्म सञ्चालन हुने आयोजकले जनाएकाे छ।</p>
प्रतिक्रिया दिनुहोस्
.jpg)
