सनातन धर्म संस्कृति विषयक अन्तर्राष्ट्रिय सम्मलेन हुने
<p>तनहुँ। व्यास जन्मभूमि तनहुँको दमौलीलाई हिन्दूहरूको मूल थलोको रूपमा चिनाउने उद्देश्यसहित सनातन धर्म संस्कृति विषयक अन्तर्राष्ट्रिय सम्मेलन हुने भएको छ।</p>
<p>विश्व हिन्दू महासंघ नेपाल तनहुँ शाखाले १-४ चैतमा वेदव्यासको जन्मभूमि दमौलीमा अन्तर्राष्ट्रिय महासम्मेलनको आयोजना गर्न लागेको हो।</p>
<p>अन्तर्राष्ट्रिय महासम्मेलनमा २४ भन्दा बढी देशका प्रतिनिधिको सहभागिता रहने विश्व हिन्दू महासंघ तनहुँका अध्यक्ष तुलसीशरण सिग्देलले जानकारी दिए। </p>
<p>सनातन धर्म संस्कृतिको संरक्षण सम्वर्द्धन गर्ने र महर्षी वेदव्यासको जन्मभूमि व्यास परासर क्षेत्रलाई विश्व माझ चिनाउने प्रमुख उद्देश्यसहित अन्तर्राष्ट्रिय महासम्मेलन गर्न लागिएको उनले बताए। </p>
<p>महासम्मेलनको तयारीस्वरुप आज दमौलीमा पूर्व तयारी बैठक गरिएकाे थियाे। <em>रासस</em></p>
प्रतिक्रिया दिनुहोस्
.jpg)
