सीआईबीले ललिता निवासको जग्गा हिनामिना सम्बन्धी छानविन प्रतिवेदन बुझायो
<p><br />
काठमाडौं। नेपाल प्रहरीको केन्द्रीय अनुसन्धान ब्यूरो (सीआईबी)ले ललिता निवास क्याम्पभित्रको सरकारी जग्गा हिनामिना सम्बन्धी छानविन प्रतिवेदन सरकारलाई बुझाएको छ। </p>
<p>काठमाडौं महानगरपालिका–४ बालुवाटारस्थित ललिता निवास भित्रको सरकारी जग्गाको हिनामिनाको अनुसन्धान गर्न सरकारले सीआईबीलाई जिम्मेवारी दिइएको थियो। </p>
<p>मन्त्रिपरिषद्को २८ फागुन २०७५ मा बसेको बैठकले सीआईबीलाई अनुसन्धान गर्न दिने निर्णय गरेको थियो। </p>
<p>प्रहरी प्रधान कार्यालय मार्फत आज गृहमन्त्रालयलाई प्रतिवेदन बुझाइएको सीआईबीका प्रवक्ता, एसपी बेलवहादुर पाण्डेले जानकारी दिए।</p>
<p>ललितानिवास जग्गा प्रकरणमा राजनीतिक नेतृत्वदेखि पूर्वप्रशासकहरू मुछिएका थिए। </p>
<p>चरणबद्ध रूपमा सरकारी कर्मचारीलाई प्रलोभनमा पारेर ललिता निवासको करीब ११४ रोपनी सरकारी जग्गा व्यक्तिका नाममा दर्ता भेटिएको सीआईबीले जनाएको छ। </p>
<p>शुरूमा राणा परिवारले मालपोतका कर्मचारीहरूलाई मिलाएर जग्गा हात पारेको, नक्कली मोही खडा गरिएको र पछिल्लो चरणमा प्रधानमन्त्री निवासका नाममा समेत जग्गा हिनामिना गरिएको सीआईबीका निष्कर्ष छ।</p>
<p>बालुवाटारको करीब ११४ रोपनी सरकारी जग्गा २०४९ सालपछि निरन्तर अतिक्रमण हुँदै आएको थियो। <br />
</p>
प्रतिक्रिया दिनुहोस्
.jpg)
