यौन शोषणको आरोपमा निलम्बित एसएसपी राणालाई पक्राउ गर्ने तयारी
<p>काठमाडौं। एक महिलामाथि यौन शोषण गरेको आरोपमा निलम्बनमा परेका प्रहरी बरिष्ठ उपरीक्षक (एसएसपी) सौरभ राणालाई प्रहरीले पक्राउ गर्ने तयारी गरेको छ।</p>
<p>गृह मन्त्रालयले राणालाई हिंजो, १६ माघमा निलम्बन गरेको थियो। सुनसरीकी एक महिलाले दिएको उजूरीका आधारमा मन्त्रालयले राणालाई निलम्बन गरेको हो। </p>
<p>नेपाल प्रहरीका प्रवक्ता, डीआइजी शैलेष थापा क्षेत्रीले आचरणविपरित कार्य र यौन शोषणको आरोपमा निलम्बनमा परेका राणाविरुद्ध जिल्ला प्रहरी कार्यालय सुनसरीमा जाहेरी दर्ता भइसकेको <em>देखापढी</em>लाई बताए।</p>
<p>“जाहेरी दर्ता भएपछि सुनसरी प्रहरीले आवश्यक कानूनी प्रक्रिया अघि बढाइसकेको छ”, उनले भने।</p>
<p>राणाविरूद्ध जबरजस्ती करणीकाे आराेपमा सुनसरी जिल्ला प्रहरी कार्यालयमा जाहेरी परेपछि राणालाई पक्राउ गर्न प्रहरीले सुनसरी जिल्ला अदालतमा अनुमति मागेकाे छ।</p>
<p>पीडित भनिएकी महिलालाई आजै धरानस्थित वीपी काेइराला स्वास्थ्य विज्ञान प्रतिष्ठानमा स्वास्थ्य परीक्षणका लागि लगिएकाे छ।</p>
<p><strong>पढ्नुहाेस्</strong></p>
<p><strong><a href="https://dekhapadhi.com/news/6061" target="_blank">यौन दुर्व्यवहारको आरोपमा एसएसपी सौरभ राणा निलम्बित</a></strong></p>
प्रतिक्रिया दिनुहोस्
.jpg)
