यौन दुर्व्यवहारको आरोपमा एसएसपी सौरभ राणा निलम्बित
<p>काठमाडौं। गृह मन्त्रालयले यौन दुर्व्यवहारको आरोप लागेका नेपाल प्रहरीका प्रहरी वरिष्ठ उपरीक्षक (एसएसपी) सौरभ राणालाई निलम्बन गरेको छ। </p>
<p>गृह मन्त्रालयका सूचना अधिकारी उमाकान्त अधिकारीले राणालाई १६ माघमा निलम्बन गरिएको <em>देखापढी</em>लाई बताए। </p>
<p>धरानकी एक महिलाले आफूमाथि यौन दुर्व्यवहार गरेको भन्दै उजुरी गरेपछि मन्त्रालयले अनुसन्धानका लागि उनलाई निलम्बन गरेको हो । </p>
<p>उजुरी परेपछि गृह मन्त्रालयले त्यसबारे छानबिन समिति गठन गरेको थियो। समितिको सिफारिसका आधारमा राणालाई निलम्बन गरिएको गृह स्रोतले बतायो। </p>
<p>निलम्बन गरिएको जानकारी प्रहरी प्रधान कार्यालयलाईसमेत गराइसकिएको छ। एसएसपी राणा संघीय प्रहरी इकाई कार्यालय धरानमा कार्यरत थिए।</p>
<p>उनीमाथि अनुसन्धान गर्न गृहले प्रहरी प्रधान कार्यालयलाई निर्देशन दिएको छ। निलम्बनमा परेका राणाले भने आरोप अस्वीकार गर्दै आएका छन्। </p>
प्रतिक्रिया दिनुहोस्
.jpg)
