टिपरको ठक्करबाट गोरखामा दूध बेच्न गएकी महिलाको मृत्यु
<p>गोरखा। गोरखामा आज बिहानै दूध बेच्‍न जाँदै गरेकी एक महिलाको टिपरको ठक्करबाट मृत्यु भएको छ।</p>
<p>गोरखा नगरपालिका अमलपानीकी ५२ वर्षीया मनमाया तामाङको आज बिहान ग. १ ख ८०२७ नम्बरको टिपरले ठक्कर दिँदा मृत्यु भएको जिल्ला प्रहरी कार्यालय गोरखाका डीएसपी वासुदेव खतिवडाले <em>देखापढी</em>लाई बताए।</p>
<p>टिपर चालकलाई प्रहरीले नियन्त्रणमा लिएको छ।</p>
<p>भुईँमा लडेकी ती महिलालाई ब्याक गरेर किचेर मारेको भन्दै आक्रोशित स्थानीयवासिन्दाले टिपरमा आगजनी र तोडफोड गरेका छन्।</p>
<p>"आफन्त र स्थानीयहरुले प्रदर्शन गरिरेहेका छन्। हामी भिड नियन्त्रणको प्रयासमा छौं", खतिवडाले भने। </p>
<p>गोरखा नगर नगरपालिकास्थित गोरखकाली क्रसर उद्योगको टिपरको ठक्करबाट ती महिलाको मृत्यु भएको प्रहरीले जनाएको छ।</p>
प्रतिक्रिया दिनुहोस्
.jpg)
