राष्ट्रसंघका महासचिवलाई सगरमाथा संवादमा निम्तो
<p>काठमाडौं। चैत २०७६ मा नेपालमा आयोजना हुने सगरमाथा संवादमा सहभागी हुन संयुक्त राष्ट्रसंघका महासचिव एन्टोनियो गुटरेसलाई निमन्त्रणा दिइएको छ।</p>
<p>राष्ट्रसंघको ७४ औँ महासभा बैठकमा भाग लिन पुगेका परराष्ट्रमन्त्री प्रदीपकुमार ज्ञवालीले प्रधानमन्त्री केपी शर्मा ओलीका तर्फबाट महासचिव गुटरेसलाई निमन्त्रणा-पत्र हस्तान्तरण गरेका छन्। </p>
<p>कार्यक्रममा सहभागि हुने बारे महासचिव गुटरेसले सकारात्मक अभिव्यक्ति दिएका छन्। </p>
<p>राष्ट्रसंघको प्रधान कार्यालयमा भएको भेटवार्तामा महासचिव गुटरेसले शान्ति स्थापनामा नेपालले गरेको कामको प्रशंसा गरेका छन्। उनले नेपालको सामाजिक र आर्थिक विकासमा साझेदारी गर्न राष्ट्रसंघ प्रतिबद्ध रहेको बताएका छन्। </p>
<p>नेपालमा भएको राजनीतिक स्थायित्व र लोकतान्त्रिक रुपान्तरणको महासचिव गुटरेसले सराहना व्यक्त गरे । उनले शान्ति, प्रगति र समृद्धिको लागि नेपालीलाई शुभकामना दिएका छन्।</p>
<p><br />
</p>
प्रतिक्रिया दिनुहोस्
.jpg)
