क्रिस गेलले पोखरा राइनाेजबाट ईपीएल खेल्ने
<p>काठमाडौं। अन्तर्राष्ट्रिय क्रिकेटदेखि घरेलु फ्रेन्चाइज लिगमा समेत विष्फोटक व्याट्स्म्यानको छबि बनाएका वेस्ट इन्डिजका क्रिकेटर क्रिस खेल एभरेष्ट प्रिमियर लिग (ईपीएल) मा खेल्ने भएका छन्।</p>
<p>आउँदो १ चैतमा शुरु हुने ईपीएलको यो सिजनका लागि गेललाई पोखरा राइनाेजले अनुबन्ध गरेको हो।</p>
<p>यसबारे जानकारी दिन पोखरा राइनाेजले आयाेजना गरेकाे पत्रकार सम्मेलनमा क्लबका व्यवस्थापक दीपा अग्रवालले गेलकाे आगमनले नेपाली क्रिकेट अगाडि बढिरहेकाे प्रमाणित भएकाे बताइन्। पत्रकार सम्मेलनमा गेलले भिडिओ सन्देश पठाएका थिए। </p>
<p>पोखरा राइनाेजका अधिकारीहरुका अनुसार गेलले यसपालिको ईपीएलमा शुरुका केही खेल खेल्नेछन् । त्यसपछि उनी फर्कनेछन्।</p>
<p>गेल फर्केपछि वेस्ट इन्डिजकै अलराउण्डर कार्लोस ब्रेथवेटले पोखरा राइनाेजबाट खेल्नेछन्।</p>
<p>यसपालिको ईपीएलमा भैरहवा ग्लाडियटर्सले वेष्ट इण्डिजका ड्वायन स्मिथलाई तथा ललितपुर प्याट्रियट्सले श्रीलंकाका पूर्व कप्तान उपुल थरंगालाई अनुबन्ध गरिसकेको छ।</p>
<p>त्यसैगरी अफगानिस्तानका आक्रामक ब्याट्सम्यान मोहम्मद शेहजादले चितवन टाइगर्सबाट एभरेष्ट प्रिमियर लिग खेल्ने निश्चित भएको छ।</p>
<p style="text-align:center"><img alt="" height="1296" src="https://www.dekhapadhi.com/storage/photos/shares/Sports/gayale photo.jpg" width="1728" /></p>
<p> </p>
प्रतिक्रिया दिनुहोस्
.jpg)
