जाम खुलाउन प्रहरीको अप्रेसन टोली
<p>काठमाडौं। राजमार्गमा केहि दिनबाट बढेको सवारी जाम खुलाउन नेपाल प्रहरीले अप्रेसन टोली खटाएको छ।</p>
<p>नौविसे–नागढुंगा सडक खण्डमा सवारी जाम नियन्त्रण गरि यात्रुहरुलाई सुरक्षित र सहज बनाउन धादिङ प्र्रहरीले ‘राजमार्ग अप्रेसन टोली’ परिचालन गरेको हो।</p>
<p>जिल्ला प्रहरी प्र्रमुख राजकुमार बैदवारको नेतृत्वमा गठन गरिएको टोलीमा प्रहरी नायव उपरीक्षक रुपक खड्का, गजुरी प्रहरी नायव उपरीक्षक खगेन्द्रबहादुर खड्का, गजुरीस्थित जिल्ला ट्राफिक इन्चार्ज नेत्रप्रसाद भट्ट र खानीखोला प्रहरी निरीक्षक रुकबहादुर खड्का छन्। </p>
<p>यात्रामा कुनै पनि असहज महशुस भए वा सवारी जाम भए तत्काल खबर गर्न प्रहरीले अनुरोध गरेको छ।</p>
<p>सडकमा ओभरटेकको समस्या देखिएकोले प्रत्येक सय मिटरमा प्रहरी परिचालन गरि सवारी अनुशासनलाई कडाइ गरिएको कान्तिपुर दैनिकमा समाचार छ। </p>
प्रतिक्रिया दिनुहोस्
.jpg)
