आज शहीद दिवस, शहीदको सम्झनामा विविध कार्यक्रम गरिँदै
<p>काठमाडौं। आज १६ माघ अर्थात शहीद दिवस। देश र जनताको अधिकार प्राप्तिको लागि जीवन त्याग गर्ने शहीदको सम्मानमा प्रत्येक वर्ष आजको दिन विविध कार्यक्रम गरेर यो दिवस मनाइन्छ।</p>
<p>हरेक वर्ष १०–१६ माघमा विभिन्न कार्यक्रमका साथ शहीद सप्ताह मनाउने गरिन्छ।</p>
<p>२०१२ सालदेखि नै तत्कालीन काठमाडौँ नगरपालिकाको संयोजकत्वमा १६ माघलाई शहीदको सम्झनामा दिवस मनाउन थालिएको हो।<br />
<br />
स्वतन्त्रताको माग गर्दा विसं १९९७ मा शुक्रराज शास्त्रीलाई १० माघमा काठमाडौँको टेकुस्थित पचली र धर्मभक्त माथेमालाई १३ माघमा सिफल तथा गंगालाल श्रेष्ठ एवं दशरथ चन्दलाई १५ माघमा शोभाभगवतीमा राणाशासकले मृत्युदण्ड दिएका थिए।</p>
<p>आज बिहान रत्नपार्कदेखि शहीद स्मारक लैनचौरसम्म प्रभातफेरी कार्यक्रम आयोजना गरिएको छ।</p>
<p>प्रधानमन्त्री, मन्त्री, सरकारका उच्चपदस्थ अधिकारी, जनप्रतिनिधि, सुरक्षा निकायको ब्याण्ड टोली र मार्चपास टोलीसहितको प्रभातफेरीे शहीद स्मारक लैनचौर पुगी ज्ञातअज्ञात शहीदप्रति श्रद्धाञ्जलि अर्पण गर्ने कार्यक्रम छ।</p>
<p>लखन थापालगायत पछिल्ला स्वतन्त्रताका आन्दोलनमा शहादत प्राप्त गर्ने शहीदको सम्झनामा ११ जेठ २०६४ को मन्त्रिपरिषद्को निर्णयनुसार उपत्यकाको गोकर्णेश्वरमा निर्माण भइरहेको राष्ट्रिय शहीद स्मारकमा पनि कार्यक्रम गरिँदै छ।</p>
प्रतिक्रिया दिनुहोस्
.jpg)
