रहेनन् ‘पन्ना चाचा’
<p>बाँके। प्रेस स्वतन्त्रता सेनानी पन्नालाल गुप्त ‘पन्ना चाचा’को नेपालगञ्जमा निधन भएको छ। ९२ वर्षीय गुप्तको उपचारका क्रममा आज साँझ साढे ८ बजे नेपालगञ्ज मेडिकल कलेज नर्सिङ होममा निधन भएको हो।</p>
<p>नेपाल पत्रकार महासंघ बाँकेका पूर्वअध्यक्ष झलक गैरेले अचानक वान्ता भएपछि गुप्तलाई अस्पताल लगिएको र त्यसको केहीबेरमै चिकित्सकले मृत घोषित गरेको बताए।</p>
<p>नेपालगञ्जमा पत्रकारिता गर्ने हरेकका लागि प्रेरणा बन्दै आएका गुप्त प्रजातान्त्रिक आन्दोलनमा समेत निरन्तर लागिपरेका पत्रकार हुन्।</p>
<p>अहिले उनको पार्थीव शरीरलाई नेपालगञ्ज रानीतलाउस्थित घरमा राखिएको छ। भोलि, १६ माघमा श्रद्धाञ्जली सभापछि अन्तिम संस्कार गरिने पारिवारिक स्रोतले जनाएको छ।</p>
<p> </p>
प्रतिक्रिया दिनुहोस्
.jpg)
