सलमानले यसरी खाेसे सेल्फी खिचिरहेका फ्यानकाे माेबाइल (भिडिओसहित)
<p>काठमाडाैं। बलिउड स्टार सलमान खान बेला-बेला फ्यानमाथि भड्किन्छन्। कहिले राम्रो व्यवहारबाट चर्चामा आउँछन् भने कहिले भड्किने बानीका कारण विवादमा।</p>
<p>उनै सलमान फेरि एकपटक फ्यानमाथि भड्किएका छन्। सलमान विमानस्थलबाट बाहिर निस्कँदै गर्दा एक फ्यानले सेल्फी लिइरहेका थिए। त्यही बेला सलमानले उनको मोबाइलनै खोसिदिए।</p>
<p>सलमान चलचित्र ‘राधे’ को छायाङ्‍कनका लागि गोवा पुगेका थिए। गोवाको विमानस्थलमा उनलाई हेर्नका लागि सयौँ फ्यान उपस्थित थिए।</p>
<p>एक फ्यान उनीसँग सेल्फी खिच्न अघि बढिरहेका बेला सलमानले मोबाइल खोसिदिएका हुन्।</p>
<p>सलमानले जब सेल्फी वा भिडिओ खिचिरहेको थाहा पाए, त्यसपछि उनको रिसको पारो चढ्यो। त्यसपछि सलमानले फ्यानको मोबाइल खोसे र विमानस्थलबाट बाहिरिए।</p>
<p>सलमानले यसअघि पनि फ्यानको मोबाइल खोसेर फालिदिएका थिए। सलमानले अनुमतिबिना आफ्नो भिडिओ खिचेका कारण फ्यानमाथि यस्तो व्यवहार गर्दै आएका छन्।</p>
<p>सलमानको उक्त कार्यको सोसल मिडियामा विरोध भइरहेको छ।</p>
<p><iframe allow="accelerometer; autoplay; encrypted-media; gyroscope; picture-in-picture" allowfullscreen="" frameborder="0" height="690" scrolling="no" src="https://www.youtube.com/embed/n6EhqfizUjc" width="960"></iframe></p>
प्रतिक्रिया दिनुहोस्
.jpg)
