२१ महीनापछि नेकपाको केन्द्रीय कमिटी बैठक शुरू
<p style="text-align:justify">काठमाडौं। सत्तारूढ नेपाल कम्युनिष्ट पार्टी (नेकपा) को केन्द्रीय कमिटी बैठक राष्ट्रिय सभा गृहमा शुरू भएको छ।</p>
<p style="text-align:justify">तत्कालीन नेकपा एमाले र नेकपा माओवादी केन्द्रको एकीकरणबाट गठित नेकपाको केन्द्रीय कमिटी बैठक २१ महीनापछि बस्‍न लागेको हो।</p>
<p style="text-align:justify">यसअघि नेकपाको पहिलो केन्द्रीय कमिटी बैठक ३ जेठ २०७५ मा बसेको थियो।</p>
<p style="text-align:justify">प्रधानमन्त्री निवास बालुवाटारमा १४ माघ साँझ बसेको नेकपा सचिवालय बैठकले केन्द्रीय कमिटी बैठकमा पेस गर्ने विभिन्‍न छ वटा अजेण्डा तय गरेको थियो।</p>
<p style="text-align:justify">बैठकको शुरूआतमा प्रधानमन्त्री एवम् नेकपाका अध्यक्ष केपी शर्मा ओलीले सम्बोधन गर्नेछन्।</p>
<p style="text-align:justify">अध्यक्षद्वयका तर्फबाट नेकपाका अर्का अध्यक्ष पुष्पकमल दाहालले राजनीतिक प्रतिवेदन पेश गर्ने बैठकको कार्यसूची छ।</p>
<p style="text-align:justify">त्यसैगरी महासचिव विष्णुप्रसाद पौडेलले संगठनात्मक प्रतिवेदन पेश गर्नेछन्।</p>
<p style="text-align:justify">सातवटै प्रदेशका प्रदेश कमिटी अध्यक्षहरूले आ-आफ्नो कार्यक्षेत्रको संक्षिप्त प्रतिवेदन प्रस्तुत गर्ने कार्यसूची छ। </p>
<p style="text-align:justify">बैठकले स्थायी कमिटी र केन्द्रीय सचिवालयका निर्णयहरूको समेत अनुमोदन गर्नेछ।</p>
<p style="text-align:justify"><img alt="" height="720" src="https://www.dekhapadhi.com/storage/photos/shares/Politics/ncp meeting.jpg" width="960" /></p>
<p style="text-align:justify">राजनीतिक तथा सांगठनिक प्रतिवेदनमा छलफल गर्न १५ वटा समूह बनाइएको छ।</p>
<p style="text-align:justify">ती समूह धुम्बाराहीस्थित नेकपाको केन्द्रीय कार्यालय र बैठकस्थलमा छलफलमा जुट्ने छन्।</p>
<p> </p>
<p> </p>
.jpg)
