सात वर्षीया छोरी करणीको आरोपमा बाबु पक्राउ
<p>सुरुङ्गा। झापाको कनकाई नगरपालिका-१ मा आफ्नै सात वर्षीया छोरीलाई करणी गर्ने ३० वर्षीय बाबु पक्राउ परेका छन्।</p>
<p>मादक पदार्थ सेवन गरी उनले छोरीलाई बलात्कार गरेको प्रहरीले जनाएको छ।</p>
<p>१४ माघमा ती बाबुविरुद्ध हाडनाता करणी मुद्दा दर्ता गरिएको जिल्ला प्रहरी कार्यालय झापाले जनाएको छ ।</p>
<p>प्रहरीका अनुसार बालिकाकी आमाले केही वर्षअघि दोस्रो विवाह गरेर गएपछि बालिका हजुरबुबा र हजुरआमाको संरक्षणमा बस्दै आएकी थिइन्।</p>
<p>शारीरिकरूपमा अशक्त रहेकी हजुरआमासँग सुतिरहेकी छोरीलाई आफूसँग बोलाएर करणी गरेको झापाका प्रहरी उपरीक्षक कृष्ण कोइरालाले बताए। <em>रासस</em></p>
<p> </p>
प्रतिक्रिया दिनुहोस्
.jpg)
