‘अन्तर्राष्ट्रिय संघसंस्थाले हतारमा प्रतिक्रिया दिए’
<p>काठमाडौं। राष्ट्रिय मानव अधिकार आयोगका पूर्वसदस्य गौरी प्रधानले अन्तर्राष्ट्रिय मानवअधिकार संघसंस्थाले नेपालबारे हतारको प्रतिक्रिया दिएको टिप्पणी गरेका छन्।</p>
<p>प्रधानले नेपालको संक्रमणकालीन न्याय प्रक्रियाबारे अन्तर्राष्ट्रिय समुदायको पछिल्लो टिप्पणीलाई सहज मान्न नसकिने समेत बताए।</p>
<p>“अन्तर्राष्ट्रिय मानव अधिकारवादी संघसस्थाले कुनै व्यक्तिविशेषका अजेण्डा बोकेर विदेशका विभिन्न अदालतका ढोका खुल्लै छन् भन्नु हतारको प्रतिक्रिया हो”, प्रधानले <em>देखापढी</em>सँग भने, “संक्रमणकालीन न्याय प्रक्रियाबारे राजनीतिक नेतृत्वले ढिलाइ गरिरहेको छ र यसको फाइदा उठाउन खोज्नेहरू सक्रिय भएका छन्।”</p>
<p>सरकार पीडितको पक्षमा बलियो भएर उभिनुपर्ने उल्लेख गर्दै उनले नेपालको आन्तरिक मामिलामा भएको टिप्पणी दुःखद् भएको बताए । उनले भने, “सरकार यसमा सचेत हुनुपर्छ, त्यसका लागि पीडितको पक्षमा सरकार नै अझ बलियोसँग उभिनुपर्छ।”</p>
<p><iframe frameborder="0" height="590" scrolling="no" src="https://www.youtube.com/embed/sCj0GNPxgZ4" width="960"></iframe></p>
प्रतिक्रिया दिनुहोस्
.jpg)
