जोकोभिच सेमिफाइनलमा फेडेररसँग भिड्ने
<p>काठमाडौं। साविक विजेता नोभाक जोकोभिच अस्ट्रेलियन ओपनको सेमिफाइनलमा रोजर फेडेररसँगको भेट पक्का गरेका छन्।</p>
<p>दोस्रो वरीयताका जोकोभिचले क्यानडाका २१औं वरीयता प्राप्त मिलोस रोनिकलाई ३–० को सेटमा हराउँदै अन्तिम चारमा स्थान पक्का गरेका हुन्।</p>
<p>अन्तिम सेटमा आँखामा समस्या भोगेका जोकोभिचले रोनिकलाई ६–४, ६–३, ७–६(७÷१) को सेटमा हराएका हुन्। तेस्रो सेटमा सात पटकको विजेता जोकोभिचको आँखामा समस्या देखिएको थियो।</p>
<p>जोकोभिचले आँखामा कन्ट्याक्ट लेन्स लगाउँछन्। तेस्रो सेट ४–४ को अवस्थामा जोकोभिचको कन्ट्याक्ट लेन्समा समस्या आएको हो, जसकारण केही समय खेल रोकिएको थियो।</p>
<p>“मिलोससँग म माफी चाहन्छु। मैले रणनीतिक वा नियतवश गरेको होइन”, जोकोभिचले भने, “मलाई हेर्न गाह्रो भएका कारण यस्तो गर्नु पर्‍यो।”</p>
<p>जोकोभिचले अब सेमिफाइनलमा स्विट्जरल्यान्डका फेडेररसँग प्रतिस्पर्धा गर्नेछन्। जोकोभिच र ३८ वर्षे फेडेरर अस्ट्रेलियन ओपनको आमनेसामने हुन लागेको सन् २०१६ पछि यो पहिलोपटक हो। त्यतिबेला सेमिफाइनलमा जोकोभिचले फेडेररलाई पराजित गरेका थिए।</p>
प्रतिक्रिया दिनुहोस्
.jpg)
