ईपीएलमा अनिल महँगा खेलाडी
<p>काठमाडौं। एभरेष्ट प्रिमियर लिग (ईपीएल)मा विराटनगर वारियर्सले आज युवा खेलाडी अनिल खरेललाई एक लाख २७ हजार रूपैयाँमा अनुबन्ध गरेको छ।</p>
<p>ईपीएलका टीमहरूले आज अनुबन्ध गरेका १३ खेलाडीमध्ये अनिल सबभन्दा महँगो खलाडी हुन्।</p>
<p>आज सम्पन्न पहिलो चरणको बोल बढाबढमा विराटनगरले अनिललाई अनुबन्ध गरेको हो। विराटनगरले आज अनिलबाहेक अन्य दुई खेलाडीलाई पनि अनुबन्ध गरेको छ।</p>
<p>विराटनगरले विक्रमकुमार भुषाललाई एक लाख १७ हजार र सौरभ खनाललाई एक लाख सात हजारमा अनुबन्ध गरेको हो। विराटनगरले पुष्प थापा, विनोद लामा र रोविन क्षेत्रीलाई छाडेका थियो।</p>
<p>सौरभले गत वर्ष पोखरा राइनोजबाट खेलेका थिए भने विक्रमकुमारले काठमाडौं किंग्स–११ बाट खेलेका थिए।</p>
<p>पोखरा राइनोजले चार खेलाडीलाई अनुबन्ध गरेको छ। रीत गौतमलाई एक लाख २० हजारमा अनुबन्ध गरेको पोखराले विवेककुमार यादवलाई ६० हजार र विपिन रावललाई ५० हजार रूपैयाँमा अनुबन्ध गरेको हो। पोखराले पृथु बास्कोटालाई ७५ हजार रूपैयाँमा अनुबन्ध गरेको छ।</p>
<p>पृथुले गत वर्ष चितवन टाइगर्सबाट खेलेका थिए। पृथुलाई छोडेको चितवनले खडक बोहरालाई ५० हजार रूपैयाँमा अनुबन्ध गरेको छ। चितवनले दोस्रो चरणको बोल बढाबढमा अनुबन्ध गरेको हो। </p>
<p>काठमाडौंले पनि तीन खेलाडी अनुबन्ध गरेको छ। काठमाडौंले सिद्धान्त लोहनी, विक्रमकुमार र पुरन विश्वकर्मालाई छोडेर शेर मल्ल, अमृत भट्टराई र दीपेन्द्र रावतलाई अनुबन्ध गरेको छ।</p>
<p>काठमाडौंले शेरलाई ८६ हजार तथा अमृत र दीपेन्द्रलाई समान ५१ हजारमा अनुबन्ध गरेको हो।</p>
<p>प्रकाश केसी र भूपेन्द्र थापा क्षेत्रीलाई छोडेको भैरहवाले हिमांशु दत्तलाई ५५ हजार तथा विकास आग्रीलाई ५० हजार रूपैयाँमा अनुबन्ध गरेको हो।</p>
<p>यसअघि चितवनले सोमपाल कामी तथा काठमाडौंले दीपेन्द्रसिंह ऐरी र सन्दीप लामिछानेलाई अनुबन्ध गरेका थिए।</p>
प्रतिक्रिया दिनुहोस्
.jpg)
