सुर्खेत तनावग्रस्त, कर्फ्यू लगाइयो
<p>काठमाडौं। सुर्खेतको वीरेन्द्रनगरमा कर्फ्यू लगाइएको छ। </p>
<p>आज बसेको जिल्ला सुरक्षा समितिको बैठकले आज साँझ साढे ६ बजेदेखि भोलि बिहान ६ बजेसम्म कर्फ्यू लगाउने निर्णय गरेको हो।</p>
<p>जिल्ला प्रशासन कार्यालय सुर्खेतका अनुसार पूर्वमा इत्राम खोला, पश्चिममा बाङ्गेसिमल, उत्तरमा कपासे ब्यारेकसम्म र दक्षिणमा रत्न राजमार्गको ५०० मिटर दक्षिण क्षेत्रसम्म कर्फ्यू लगाइएको छ।</p>
<p style="text-align:center"><img alt="" height="716" src="https://www.dekhapadhi.com/storage/photos/shares/Security/Surkhet-1.jpg" width="960" /></p>
<p>आज बिहान वीरेन्द्रनगरमा भे १ ख २२४२ नम्बरको टिपरको ठक्करबाट कालिकोटको महावै गाउँपालिका–३ सिमखेतका २१ वर्षीय केशरबहादुर सिंहको मृत्युपछि अवस्था तनावग्रस्त भएको थियो। </p>
<p>भे १ प २२७८ नम्बरको माेटरसाइकलमा रहेका सिंहलाई टिपरले ठक्कर दिएर किचेको थियो। </p>
<p>पीडित र स्थानीयले दिनभर प्रदर्शन गरेका थिए।</p>
<p style="text-align:center"><img alt="" height="720" src="https://www.dekhapadhi.com/storage/photos/shares/Security/Surkhet-2.jpg" width="960" /></p>
<p>प्रदर्शनलाई नियन्त्रणमा लिन प्रहरीले गोली चलाउनु परेको थियो। प्रहरीको गोली लागेर ८ जना घाइते भएका छन्।</p>
<p>प्रहरीले गोली चलाउँदा जुम्लाका २५ वर्षीय महेश गौतम, दैलेखका १६ वर्षीय हिदेशकुमार शाही, दैलेखका १७ वर्षीय कृष्णबहादुर थापा, दैलेखकै १७ वर्षीय गोकुल गिरी, कालीकोटका कमान सिंहलगायत ८ जना घाइते भएका छन् ।</p>
<p>प्रहरीले भने दुई राउण्ड मात्र हवाई फायर गरेको दाबी गरेको छ। </p>
<p>आन्दोलनले उग्ररूप लिएपछि कर्फ्यू लगाउनु परेको स्थानीय प्रशासनले जनाएको छ।</p>
<p style="text-align:center"><img alt="" height="960" src="https://www.dekhapadhi.com/storage/photos/shares/Security/Surkhet-notice.jpg" width="726" /></p>
<p> </p>
प्रतिक्रिया दिनुहोस्
.jpg)
