तालिबानको आक्रमणमा ९ प्रहरी मारिए
<p>अफगानिस्तान। अफगानिस्तानको उत्तरी प्रान्त बाघलानमा रहेको एक प्रहरी चौकीमा तालिबान लडाकू समूहले गरेको एक आक्रमणमा कम्तीमा ९ प्रहरीको मृत्यु भएको छ।</p>
<p>सो आक्रमणमा परी अन्य तीनजना बेपत्ता भएका स्थानीय अधिकारीहरूले जानकारी दिएका छन्।</p>
<p>प्रान्तीय राजधानी पुल ए खुम्रीको बाहिरी इलाकामा पर्ने बाघलानको समानगान राजमार्गको छेउमा पर्ने खज्जा अल्वानमा सुरक्षा चौकीमा तालिबान लडाकू समूहले गयराती आक्रमण गरेका थिए।</p>
<p>यो घटना तालिवान आतंककारीहरूको समूहले गराएका थिए। त्यसमा ९ प्रहरीको मृत्यु भएको र तीन अन्य बेपत्ता भएका प्रान्तीय अधिकारीले नाम नबताउने शर्तमा बताएका छन्।</p>
<p>झडपमा लडाकू समूहका पनि केही सदस्य हताहत भएको स्रोतले बताएको छ।</p>
<p>प्रान्तीय प्रहरीका प्रवक्ता जाविद बेशरतले राति भएको झडपको पुष्टि गरेका छन्। तर, पीडितको सही संख्या कति हो भन्ने बारेमा भने केही बताएका छैनन्। उनले सो घटनाको अनुसन्धान भइरहेको र थप विवरण पछि मात्र आउने बताए।</p>
<p>सन् २००१ को अन्त्यतिर शासनबाट हटेका तालिबान लडाकूहरूले अफगानिस्तानमा सुरक्षा अधिकारी र सर्वसाधारण नागरिकमाथि बारम्बार आक्रमण गर्दै आएका छन्। <em>रासस/सिन्ह्वा</em></p>
प्रतिक्रिया दिनुहोस्
.jpg)
