विद्यार्थीको हात भाँचिने गरी कुटपिट गर्ने शिक्षक पक्राउ
<p>सिरहा। सिरहाको मिर्चैयास्थित स्वास्तिक पाठशालामा अध्ययनरत विद्यार्थीलाई गृहकार्य नगरेको भन्दै कुटपिट गर्ने शिक्षक पक्राउ परेका छन्।</p>
<p>सिरहा नगरपालिका–२, का १२ वर्षीय रितिक यादवलाई गृहकार्य नगरेको भन्दै कुटपिट गर्ने शिक्षक ताराबहादुर कार्कीलाई प्रहरीले पक्राउ गरेको हो।</p>
<p>कुटपिटबाट रितिकको बायाँ हात भाँचिएको छ। कुटपिट गर्ने शिक्षकलाई पक्राउ गरी अनुसन्धान अघि बढाइएको मिर्चैयाका प्रहरी इन्चार्ज डीएसपी सन्तु जैसवालले जानकारी दिए।</p>
<p>यस्तै घाइते विद्यार्थीपक्ष र पाठशालाका सञ्चालकबीच छलफल भएको छ। समग्र व्यवस्थापन, लठ्ठी निषेध गर्ने, तालिमप्राप्त शिक्षकबाट पठनपाठन गराउने र घाइते विद्यार्थीको उपचार खर्च विद्यालयले व्यहोर्ने सहमति भएको विद्यार्थीका काका देवकुमार यादवले बताए।</p>
<p>स्वास्तिक पाठशालाका सञ्चालक महेश्वर कार्कीले पाठशाला सुधारका पक्षमा भएको छलफलपछि दुवै पक्षबीच सहमति भएको बताए।</p>
<p> </p>
प्रतिक्रिया दिनुहोस्
.jpg)
