साढे दुई किलो सुनसहित रसुवामा ६ जना पक्राउ
<p>काठमाडौं। चीनसँगको सीमाक्षेत्र रसुवागढी नाकाबाट साढे दुई किलो सुनसहित ६ जनालाई प्रहरीले पक्राउ गरेको छ।</p>
<p>रसुवाबाट काठमाडौं आउँदै गरेको ना १ ज ३५४२ नम्बरको टाटा सुमो गाडीमा सुन ल्याउँदै गर्दा उनीहरू पक्राउ परेका हुन्।</p>
<p>पक्राउ पर्नेमा सिन्धुपाल्चोक भाेटेकाेशी गाउँपालिका-५ का ३४ वर्षीय नवाङ नर्वु शेर्पा, २४ वर्षीय ग्याल्जेन शेर्पा, २३ वर्षीय स्प्पा लामा, ३२ वर्षीय सुवास तामाङ र १९ वर्षीय साङा शेर्पा छन्।</p>
<p>चालक दोलखा तामाकोशी गाउँपालिका-५ बस्ने २३ वर्षीय तुलनारायण श्रेष्ठ पनि पक्राउ परेको इलाका प्रहरी कार्यालय, टिमुरेका प्रहरी निरीक्षक खेमप्रसाद नेपालले <em>देखापढी</em>लाई बताए।</p>
<p>बरामद् गरिएको सुनसहित पक्राउ परेकाहरुलाई जिल्ला प्रहरी कार्यालय पठाउने तयारी भइरहेको उनकाे भनाइ छ।</p>
प्रतिक्रिया दिनुहोस्
.jpg)
