आस्था राउतलाई चार दिन हिरासतमा राखेर अनुसन्धान गर्न प्रशासनको अनुमति
<p>काठमाडौं। प्रहरीले गायिका आस्था राउतलाई चार दिन हिरासतमा राखेर अनुसन्धान गर्न अनुमति पाएको छ। </p>
<p>जिल्ला प्रशासन कार्यालय, काठमाडौंले आज राउतलाई हिरासतमा राखेर अनुसन्धान गर्न प्रहरीलाई अनुमति दिएको काठमाडौं जिल्ला प्रशासनका सहायक प्रमुख जिल्ला अधिकारी एवं सूचना अधिकारी जीवनप्रसाद आचार्यले<em> देखापढी</em>लाई बताए। </p>
<p>महानगरीय प्रहरी परिसर काठमाडौंले राउतलाई आज जिल्ला सरकारी वकिल कार्यालय, काठमाडौंमार्फत म्याद थपका लागि प्रशासनमा आग्रह गरेको थियो।</p>
<p>आस्थाविरुद्ध प्रहरीलाई दुर्व्यवहार गरेको आरोप छ। </p>
<p>आज बिहान ८ बजे गायिका राउत महानगरीय प्रहरी परिसर काठमाडौंमा <a href="https://www.dekhapadhi.com/news/5841" target="_blank"><span style="color:#c0392b;">आत्मसमर्पण </span></a>गरेकी थिइन्। </p>
<p>सरकारी वकील कार्यालय जानुअघि परिसरमा पत्रकारहरुसँग गायिका आस्थाले कानूनभन्दा माथि कोही नभएको बताउँदै आफू कानूनअनुसार हुने सजाय भोग्‍न तयार रहेको बताएकी थिइन्। </p>
<p>१ माघमा त्रिभुवन अन्तर्राष्‍ट्रिय विमानस्थलमा कार्यरत प्रहरी जवान रमिता श्रेष्ठले गायिका राउतले आफूमाथि दुर्व्यवहार गरेको भन्दै <a href="https://www.dekhapadhi.com/news/5381" target="_blank"><span style="color:#c0392b;">उजुरी</span></a> दिएकी थिइन्। </p>
<p>तर, उनले प्रहरीले आफूमाथि दुर्व्यवहार गरेको भन्दै फेसबुक लाइभमार्फत् भिडिओ सन्देश जारी गरेकी थिइन्।</p>
<p>आस्थाको भिडिओ भाइरल भएपछि विमानस्थलको सीसीटीभी फुटेज सार्वजनिक भएको थियो।</p>
<p>उक्त भिडिओ सार्वजनिक भएपछि आस्थाले फेसबुक लाइभमार्फत् <a href="https://www.dekhapadhi.com/news/5321" target="_blank"><span style="color:#c0392b;">माफी </span></a>मागेकी थिइन्।</p>
<p><strong>पढ्नुहाेस्</strong></p>
<p><strong><a href="https://www.dekhapadhi.com/news/5849" target="_blank">गायिका आस्था राउतलाई सरकारी वकील कार्यालय उपस्थित गराइयो</a></strong></p>
<p><strong><a href="https://www.dekhapadhi.com/news/5535" target="_blank">आस्थालाई पक्रन किन हतारो ? </a></strong></p>
<p><strong><a href="https://www.dekhapadhi.com/news/5456" target="_blank">गायिका आस्थालाई पक्राउ गर्न प्रशासनको अनुमति</a></strong></p>
<p> </p>
प्रतिक्रिया दिनुहोस्
.jpg)
