गायिका आस्था राउतलाई सरकारी वकील कार्यालय उपस्थित गराइयो
<p>काठमाडौं। महिला प्रहरी जवानमाथि अभद्र व्यवहार गरेको आरोप लागेकी गायिका आस्था राउतलाई जिल्ला सरकारी वकीलको कार्यालय काठमाडौंमा उपस्थित गराइएको छ।</p>
<p>उनलाई प्रहरीले बयान सकेर केही बेरअघि सरकारी वकील कार्यालय पुर्‍याएको हो।</p>
<p>आज बिहान ८ बजे गायिका राउत महानगरीय प्रहरी परिसर काठमाडौंमा उपस्थित भएकी थिईन्।</p>
<p>गायिका राउतलाई हिरासतमा राखेर थप अनुसन्धान गर्ने अथवा आजै मुद्दा टुंग्याउने भन्नेबारे जिल्ला प्रशासन कार्यालय, काठमाडौंले निर्णय गर्न सक्नेछ।</p>
<p>प्रहरीले अनुसन्धान नसकेको भए म्याद थपका लागि आग्रह गर्नेछ भने आजै जिल्ला प्रशासन कार्यालयमा उनीविरुद्दको मुद्दामा प्रमुख जिल्ला अधिकारीले आदेश गर्न सक्नेछन्।</p>
<p>सरकारी वकील कार्यालय जानुअघि परिसरमा पत्रकारहरुसँग गायिका आस्थाले कानूनभन्दा माथि कोही नभएको बताउँदै आफू कानूनअनुसार हुने सजाय भोग्‍न तयार रहेको बताइन्।</p>
<p><img alt="" height="770" src="https://www.dekhapadhi.com/storage/photos/shares/aastha@ police 1.jpg" width="840" /></p>
<p>१ माघमा त्रिभुवन अन्तर्राष्‍ट्रय विमानस्थलमा कार्यरत प्रहरी जवान रमिशा श्रेष्ठले गायिका राउतले आफूमाथि दुव्र्यहार गरेको भन्दै उजुरी दिएकी थिईन्।</p>
<p>तर, उनले प्रहरीले आफूमाथि दुर्व्यवहार गरेको भन्दै फेसबुक लाइभमार्फत् भिडिओ सन्देश जारी गरेकी थिइन्।</p>
<p>आस्थाको भिडिओ भाइरल भएपछि विमानस्थलको सीसीटीभी फुटेज सार्वजनिक भएको थियो।</p>
<p>जहाँ राउतले सुरक्षा जाँचका बेला कफीसहित पुगेको देखिन्छ। प्रहरी जवानले उनलाई कफी राख्न र ज्याकेट खोल्न लगाएकी छन्।</p>
<p>त्यसबाट रिसाएकी आस्थाले कफीको गिलास त्यहीँ छोडेर हिँडेको भिडिओमा देखिन्छ।</p>
<p>उक्त भिडिओ सार्वजनिक भएपछि आस्थाले फेसबुक लाइभमार्फत् माफी मागेकी थिइन्।</p>
<p>तर, सुरक्षा जाँचमा खटिएकी प्रहरी जवान रमिता श्रेष्ठले आस्थाविरुद्ध विमानस्थल प्रहरीमा अभद्र व्यवहारसम्बन्धी जाहेरी दिएकी थिइन्।</p>
प्रतिक्रिया दिनुहोस्
.jpg)
