इस्यू नै नभएको कुरामा विरोध नगरौं- प्रधानमन्त्री
<p>काठमाडौं। प्रधानमन्त्री केपी शर्मा ओलीले इस्यू नै नभएको कुरालाई विरोध गरेर सरकारविरुद्ध भ्रम फैलाउनेहरु बढेको बताएका छन्।</p>
<p>ललितपुरको भैसीपाटीमा निर्माण हुन लागेको प्रदेश प्रमुख र मुख्यमन्त्रीको सम्पर्क कार्यालय र निवास भवनको आज शिलान्यास गर्दै प्रधानमन्त्री ओलीले राम्रो काम गरिरहेपनि सरकारविरुद्ध निराशा र असन्तुष्टि फैलाउन खोजिएको भन्दै आफ्नो उद्देश्यमा सरकार अडिग रहेको बताएका छन्।</p>
<p>''देशमा वाक स्वतन्त्रता छ भन्दैमा त्यसको प्रयोग जथाभावी गर्नुभएन, स्वस्थ ढंगले आलोचना हुनुपर्‍यो'' प्रधानमन्त्री ओलीले भने। </p>
<p>सरकारले मानव कल्याणको साथै विकासका कामलाई पनि तिब्रताका साथ अगाडि बढाएको प्रधानमन्त्री ओलीले बताएका छन्।</p>
<p>दुई वर्षभित्र निर्माण सम्पन्न गर्नेगरि १४९ रोपनी ४ आना क्षेत्रफलको जग्गामा सभामुख, उपसभामुख, राष्ट्रियसभा अध्यक्ष, उपाध्यक्ष, मन्त्री, प्रदेश प्रमुख, मुख्यमन्त्रीहरुका लागि सुविधासम्पन्न भवन बनाउन लागिएको हो। <br />
</p>
प्रतिक्रिया दिनुहोस्
.jpg)
