भारत लाँदै गरेको २१ तोला सुनसहित युवक पक्राउ
<p>जलेश्वर। महोत्तरीको मटिहानी नगरपालिका–८ मा २१ तोला सुनसहित एक युवक पक्राउ परेका छन्।</p>
<p>सशस्त्र प्रहरीले गएराति सुनसहित पक्राउ गरेका व्यक्ति मुखियापट्टी मुसहरनिया गाउँपालिका–४ बस्ने २३ वर्षीय दीपक महतो छन्।</p>
<p>उनलाई १६ लाख २४ हजार ६०६ रूपैयाँ बजार मूल्यको स्रोत नखुलेको सो परिमाणको सुन बा. १२ प ५०७६ नम्बरको कारमा राखी नेपालबाट भारत तस्करी गर्दै गर्दा पक्राउ गरिएको मटिहानीका सशस्त्र प्रहरी इन्सपेक्टर हिमाल थापाले बताए।<br />
<br />
कारमा सुनसहित पक्राउ परेका युवक महतोलाई अनुसन्धान र कारवाहीका लागि मूल भन्सार कार्यालय जलेश्वरमा बुझाइएको छ।</p>
प्रतिक्रिया दिनुहोस्
.jpg)
