अध्यागमनमा अत्याधुनिक ‘बोर्डर कन्ट्रोल सिस्टम’
<p>काठमाडौं। गृह मन्त्रालयले अध्यागमनमा अमेरिकी सफ्टवेयर हटाएर बायोमेट्रिक्स सहितको ‘नेपाली पोर्ट’ नामक आफ्नै सफ्टवयेर राख्दैछ।</p>
<p>अध्यागमन विभागले सबै नाकामा यो सफ्टवेयर परीक्षण गरिरहेको छ।</p>
<p>प्रधानमन्त्री केपी शर्मा ओलीले आज अपरान्ह उद्घाटन गरेपछि अध्यागमन नाकामा अत्याधुनिक ‘बोर्डर कन्ट्रोल सिस्टम’ कार्यान्वयनमा आउने छ।</p>
<p>नेपाली पोर्ट अत्याधुनिक बोर्डर कन्ट्रोल प्रणाली हो। त्रिभुवन अन्तर्राष्ट्रिय विमानस्थलसहित १२ अध्यागमन नाकामा बायोमेट्रिक्ससहितको सफ्टवेयर प्रणाली जोडिनेछ।</p>
<p>आजको अन्नपूर्ण पोष्टका अनुसार अध्यागमनमा बायोमेट्रिक्स प्रणाली लागू भएसँगै यात्रुको तस्वीर र हस्तरेखा रेकर्ड हुनेछ।</p>
<p>यसले यात्रुको आँखाको नानी (रेटिना) समेत पढ्न र त्यसको रेकर्ड राख्न सक्नेछ।</p>
<p>नेपाली पोर्ट लागू भएसँगै अध्यागमनमा संदिग्ध व्यक्तिले गर्न लागेको यात्राको सहजै विश्लेषण गर्न सकिन्छ।</p>
<p>विभागका महानिर्देशक ईश्वरराज पौडेलले नेपाली पोर्ट लागू भएपछि सुरक्षा चुनौती धेरै घट्ने बताएका छन्।</p>
<p>“विगतमा अध्यागमनको सुरक्षा अवस्था भयावह थियो, भिसा लिन विदेशी ठमेल पुग्थे", महानिर्देशक पौडेलले भने, “त्यस्तो गतिविधि अब रोकिनेछ।"</p>
प्रतिक्रिया दिनुहोस्
.jpg)
