मालीमा भएकाे आक्रमणमा १५ सुरक्षाकर्मीको मृत्यु
<p>माली (उत्तरपश्चिम अफ्रिका)। उत्तरपश्चिम अफ्रिकाको मालीमा आज अर्धसैनिक सुरक्षा बलको एक शिविरमा आक्रमण हुँदा कम्तीमा १५ जनाको मृत्यु भएको छ।</p>
<p>“मालीको मध्य क्षेत्रमा रहेको सोकोलो सुरक्षा शिविरमा जिहादी विद्रोहीले गरेको आक्रमण कम्तीमा १५ अर्धसैनिकको मृत्यु भएको छ”, मालीको सैनिक स्रोतले बताएकाे <em>एएफपी</em>ले जनाएकाे छ।</p>
<p>आक्रमणबाट मृत्यु हुनेमा अर्धसैनिक प्रहरी अधिकारी रहेकाे र शिविर बाहिर पनि दुईजनाको मृत शरीर देखेको एक स्थानीय सांसदले बताए।</p>
<p>“आक्रमणकारी जिहादी लडाकूहरू मोटरसाइकलमा आएर आक्रमण गरेका थिए”, सुरक्षाको कारण देखाउँदै नाम उल्लेख नगर्ने शर्तमा एक अधिकारीले बताए।</p>
<p>उनले भने, “हतियारले सुसज्जित उनीहरू सोकोलो शिविरमा प्रवेश गरे। शिविरमा अन्धाधुन्ध गोली चलाएपछि केही सुरक्षाकर्मी भागेर आफ्नो सुरक्षा गरेका थिए। आक्रमणकारीले शिविरबाट हतियार लगायतका धेरै सामानहरू लगेका छन्।”</p>
<p>आक्रमणपछि शिविर पूर्णरूपमा भद्रगोल अवस्थामा रहेको एक मानवीय सहयोगका लागि कार्यरत संस्था सम्वद्ध स्रोतले बतायो। आक्रमणकारीले शिविरलाई तत्काल छोडेर भागेका थिए।</p>
<p>क्याम्पमा रहेका १५ सुरक्षाकर्मीको शवलाई हटाई अन्तिम परीक्षणका लागि अस्पताल पठाएकाे स्राेतले बताएकाे छ।</p>
<p>सोकोलो सेग्यो क्षेत्र अलकायदासँग सहकार्य गरेको मालीको जिहादी समूहको प्रभाव क्षेत्र हो।</p>
<p>सहेल क्षेत्रमा करीब चार हजार ५०० फ्रान्सेली सेना र मालीमा करीब १३ हजार संयुक्त राष्ट्रसंघको शान्ति सेना तैनाथ गरिएको छ। तर, जिहादीहरूले लुकीछिपी गर्ने आक्रमणबाट माली, बुर्किना फासो र नाइजरमा पटकपटक यस प्रकारका आक्रमणहरू हुने गरेका छन्।</p>
प्रतिक्रिया दिनुहोस्
.jpg)
