गृहकार्य नगरेको भन्दै शिक्षकले कुट्दा विद्यार्थीको हात भाँचियो
<p>सिरहा। सिरहाको मिर्चैयामा रहेको स्वस्तिक पाठशालामा अध्ययनरत एक विद्यार्थीलाई गृहकार्य नगरेको भन्दै शिक्षकले भात भाँचिदिएका छन्। </p>
<p>कक्षा ६ मा अध्ययनरत सिरहा नगरपालिका–२ का १२ वर्षीय रितिक यादवको आज शिक्षकको कुटाईबाट हात भाँचिएको हो। यादवको आजै हातमा प्लास्टर गरिएको छ।</p>
<p>नेपाली विषयको गृहकार्य नगरेको भन्दै शिक्षक तारा कार्कीले कुटपिट गर्दा हात भाँचिएको विद्यार्थीका अभिभावकले बताएका छन्। </p>
<p>यादव ६ वर्षदेखि सोही पाठशालामा पढ्दै आएका थिए। रितिकका काका देवकुमार यादवले गृहकार्य नगरेको नाममा भौतिक आक्रमण गर्नु अपराध भन्दै दोषीलाई काराबाहीको माग गरे। </p>
<p>शिक्षकको कुटाईबाट विद्यार्थीको हात भाँचिएपछि अभिभावकले प्रहरीमा उजुरी दिएका छन्।</p>
<p>सिरहा प्रहरी प्रमुख उमाप्रसाद चुर्तुवेदीले घटनाबारे अभिभावकले जानकारी गराएको बताउँदै यस विषयमा आवश्यक अनुसन्धान थालिएको बताए। </p>
<p>यसअघि रुपन्देहीमा पनि गृहकार्य नगरेको भन्दै १६ पुसमा एक जना विद्यार्थी शिक्षकबाट कुटिएका थिए। </p>
<p>रुपन्देहीको सम्मरीमाई गाउँपालिका–६ मर्चवारमा ज्ञानदीप बोर्डिङ स्कुलमा कक्षा पाँचमा अध्ययनरत मोहम्मद देवान शिक्षकबाट कुटिएका थिए। </p>
<p>कुटपिट गरेको आरोपमा शिक्षक शैलेन्द्र बराई <a href="https://www.dekhapadhi.com/news/4798" target="_blank"><span style="color:#c0392b">पक्राउ </span></a>परेका थिए। </p>
<p>बालबालिका सम्बन्धी ऐन–२०७५ मा घर, विद्यालय वा जुनसुकै स्थानमा शारीरिक र मानसिक दण्ड दिने, अनैतिक व्यवहार गर्नेलाई करीब एक वर्ष जेल सजाय र ५० हजार रूपैयाँसम्म जरिवाना हुन सक्ने व्यवस्था छ। </p>
<p> </p>
प्रतिक्रिया दिनुहोस्
.jpg)
