अफगानिस्तानः हवाई आक्रमणमा १६ तालिवान लडाकू मारिए
<p>अफगानिस्तान। अफगानिस्तानमा भएको भिडन्तमा कम्तीमा १६ तालिवान लडाकू मारिएका छन्। </p>
<p>तालिवान लडाकूहरूको आश्रयस्थलका रूपमा चिनिने बाल्ख प्रान्तको बाल्ख जिल्लामा भएको घटनामा उनीहरू मारिएका हुन्।</p>
<p>अफगानिस्तानको उत्तरी क्षेत्रका सैन्य प्रवक्ता मोहम्मद हानिफ रेजाईले आज दिएको जानकारीअनुसार तालिवान लडाकूहरूलाई नै लक्षित गरेर हवाई आक्रमण गरिएको जानकारी दिए।</p>
<p>लडाकूहरू लुकेर बसेको सूचना थाहा पाएपछि सुरक्षाकर्मीहरूले त्यस क्षेत्रमा केही दिनदेखि सुरक्षा कारबाही चलाएका थिए। </p>
<p>घटनाका बारेमा तालिवान लडाकूहरूको तर्फबाट भने अहिलेसम्म कुनै प्रतिक्रिया आएको छैन।</p>
<p>घटनास्थल केन्द्रीय राजधानी काबुलदेखि ३०५ किलोमिटर उत्तरतर्फ पर्दछ।</p>
प्रतिक्रिया दिनुहोस्
.jpg)
