वाह ! कालिञ्चोकको हिउँ (तस्वीरहरू)
<p>कालिञ्‍चोक। यतिखेर हिउँले सेताम्मे छ 'कालिञ्‍चोक'।</p>
<p>हिउँले ढाकिएको वरपरका सुन्दर डाँडा हेरेर स्वर्गमै पुगिएको अनुभुतिसहित यहाँ आउनेहरू मुक्तकण्ठले यहाँको प्रशंसा गरिरहेका छन्। </p>
<p>काठमाडौंदेखि झन्डै १५० किलोमीटरको दुरी पार गरेपछि पुगिन्छ कालिञ्‍चोक। आन्तरिक तथा भारतीय पर्यटक हिउँमा खेल्न र कालिञ्‍चोक भगवतीको दर्शन गर्न आउने क्रम त्यत्तिकै बढ्दो छ।</p>
<p><img alt="" height="540" src="https://www.dekhapadhi.com/storage/photos/shares/Tourism/kalinchok/kalinchok7.jpg" width="960" /></p>
<p>दोलखाको भिमेश्वर नगरपालिकामा पर्ने कालिञ्‍चोकमा हिउँ खेल्न कै लागि अहिले आन्तरिक र भारतीय पर्यटकहरु आएका छन्।</p>
<p>यहाँ मंसीरदेखि फागुनसम्मै हिउँले ढाकिन्छ।</p>
<p>हिउँमा रमाइलो गर्ने र कालिञ्‍चोक भगवतीको दर्शन गर्नकै लागि मानिसहरूको भिड लाग्छ।</p>
<p>घुम्न आउनेहरु मन्दिर दर्शन गर्न केवलकार चढ्छन्। कोही भने पैदल हिँडेरै बाटोमा भेटिने प्राकृतिक सौन्दर्यसँग साक्षात्कार गर्दै हिँडेरै दर्शन गर्न पुग्छन्।</p>
<p><img alt="" height="540" src="https://www.dekhapadhi.com/storage/photos/shares/Tourism/kalinchok/kalinchok 4.jpg" width="960" /></p>
<p>अरनिको राजमार्ग भएर काभ्रे हुँदै सिन्धुपाल्चोक भएर दोलखाको सिमाना पुगिन्छ।</p>
<p>अहिले दिनहुँ तीनदेखि चार हजारसम्म मानिस कालिञ्‍चोक आइरहेको स्थानीय बताउँछन।</p>
<p><img alt="" height="540" src="https://www.dekhapadhi.com/storage/photos/shares/Tourism/kalinchok/kalinchok 2.jpg" width="960" /></p>
<p>होटल व्यवसायी पासाङ तामाङ होटल पर्याप्त नहुँदा घुम्न आउनेका लागि आवासको व्यवस्थापनमा समस्या हुन थालेको बताउँछन्।</p>
<p>कालिञ्‍चोक क्षेत्रमा अहिले साना ठूला गरी २०/२५ वटा होटल मात्र छन् ।</p>
<p>यहाँ आउने जाने बस्‍ने खानेसमेतको प्याकेजमै व्यवस्था छ।</p>
<p>काठमाडौंदेखि प्रती व्यक्ति चार हजार ५०० मा कालिञ्‍चोकसम्म घुमाउन प्याकेज छ।</p>
<p><img alt="" height="540" src="https://www.dekhapadhi.com/storage/photos/shares/Tourism/kalinchok/kalinchok 3.jpg" width="960" /></p>
<p>यहाँका होटेल व्यवसायीले समूहमा आउनेलाई एक हजार देखि दुई हजार ५०० सयसम्मको खाने बस्‍ने व्यवस्था गर्दै आएका छन्।</p>
<p>अरनिको राजमार्ग सकेर कालिञ्‍चोक प्रवेश गर्दाको सडक भने बिग्रिएको छ।</p>
<p>दिनहुँ सयौँ सवारीसाधन पुग्ने कालिञ्‍चोकसम्म जाने सडक जीर्ण छ।</p>
<p>खाल्डाखुल्डीले सवारी साधन लैजान निकै गाह्रो हुने चालकहरू बताउँछन।</p>
<p>सवारीसाधन धेरै हुने भएकोले पार्किङ अभाव छ। गरेर राख्न पनि समस्या हुने गरेको छ।</p>
<p>त्यसै कारण सवारीसाधन पार्किङ गरेर ५/७ किलोमिटर पैदल हिँडेर नै कालिञ्‍चोकसम्म पुग्‍नुपर्छ।</p>
<p><img alt="" height="540" src="https://www.dekhapadhi.com/storage/photos/shares/Tourism/kalinchok/kalinchok 5.jpg" width="960" /></p>
<p><img alt="" height="540" src="https://www.dekhapadhi.com/storage/photos/shares/Tourism/kalinchok/kalinchok 1.jpg" width="960" /></p>
प्रतिक्रिया दिनुहोस्
.jpg)
