पहिलो टी–२० क्रिकेटमा न्युजिल्याण्ड भारतसँग ६ विकेटले पराजित
<p>काठमाडौं। केएल राहुल र श्रेयाष एयरको अर्धशतकप्रेरित भारतले आज पहिलो टी–२० अन्तर्राष्ट्रिय क्रिकेटमा न्युजिल्याण्डलाई ६ विकेटले पराजित गरेको छ।</p>
<p>अकल्याण्डस्थित इडेन पार्कमा टस हारेर ब्याटिङका लागि निम्त्याइएको न्युजिल्याण्डले पाँच विकेट गुमाएर २०३ रन बनाएको थियो। २०४ रनको लक्ष्य भारतले १९ ओभर ४ विकेट गुमाएर पुरा गर्‍यो। </p>
<p>भारतका एयरले सबभन्दा धेरै अविजित ५८ रन बनाए। उनले २९ बलमा पाँच चौका र तीन छक्का हाने। राहुलले २७ बलमा चार चौका र तीन छक्कासहित ५६ रन बनाए। कप्तान विराट कोहलीले ४५ रनको जोडे।</p>
<p>न्युजिल्याण्डका इश सोधिले दुई विकेट लिदा मिचेल सन्टनर र ब्ल्याएर टिक्नरले एक एक विकेट लिए।</p>
<p>त्यसअघि न्युजिल्याण्डका कोलिन मुनरोले ५९, रोस टेलरले ५४ तथा कप्तान केन विलियाम्सनले ५१ रन बनाए। ओपनर मार्टिन गुप्टिलले ३० रन बनाए। </p>
<p>भारतका जसप्रीत बुमराह, शार्दुल ठाकुर, रबिन्द्र जडेजा, युजभेन्द्र चहल, शिभम दुबेले एक एक विकेट लिए। जितसँगै भारतले पाँच खेलको सिरिजमा १–० को अग्रता बनाएको छ।</p>
<p><br />
</p>
प्रतिक्रिया दिनुहोस्
.jpg)
