आइसीसी क्रिकेट विश्वकप लिगका लागि नेपाली टोली घोषणा
<p>काठमाडौं। नेपाल क्रिकेट संघ (क्यान) ले आज आइसीसी क्रिकेट विश्वकप लिग-२ को लागि ज्ञानेन्द्र मल्लको कप्तानमा नेपाली टोलीको घोषणा गरेको छ।</p>
<p>क्यानले घोषणा गरेको टीममा युवा खेलाडी कमलसिंह ऐरी पहिलो पटक स्थान बनाउन सफल भएका छन्।</p>
<p>कमलसिंहले पहिलो पटक टोलीमा स्थान बनाउँदा अनुभवी तीब्र गतिका बलर सोमपाल कामी भने टोलीमा छैनन्।</p>
<p>सोमपाल घाइते भएको जनाइएको छ। दीपेन्द्रसिंह ऐरीले उपकप्तानको जिम्मेवारी पाएका छन्।</p>
<p>अमेरिका, ओमान र नेपालबीच २२ माघबाट कीर्तिपुरको त्रिवि क्रिकेट मैदानमा हुने त्रिदेशीय शृंखलाका लागि युवा खेलाडी कुशल मल्ल अभिनाष बोहराले पनि १४ सदस्स्यीय टोलीमा स्थान बनाएका छन्।</p>
<p>ओमान र अमेरिकाले यसअघि नै टीमको घोषणा गरिसकेका छन्। अनुभवी स्पिनर बसन्त रेग्मी, ओपनर सुवास खकुरेल भने टीममा परेनन्।</p>
<p>शरद भेषावकर भने टीममा स्थान बनाउन सफल भएका छन्।</p>
<p>उमेश पट्वालले मुख्य प्रशिक्षणमा छन्। पट्वाललाई जगत टमाटा र बसन्त शाहीले सघाउनेछन्।</p>
<p>रिशिराम गौतमले टीम व्यवस्थापनको जिम्मेवारी पाएका छन्।</p>
<p>फिजियोमा बिक्रम न्यौपाने छन् भने टेक्निकल एनालिष्टमा रमण सिवाकोटी रहेका छन्।</p>
<p><strong>नेपाली टीमः</strong></p>
<p>ज्ञानेन्द्र मल्ल(कप्तान), दीपेन्द्रसिंह ऐरी(उपकप्तान), पारस खड्का, सन्दीप लामिछाने, करण केसी, आरिफ शेख, विनोद भण्डारी, अभिनाष बोहरा, कुशल मल्ल, कमलसिंह ऐरी, सुशन भारी, रोहितकुमार पौडेल, शरद भेषावकर, ललितनारायण राजवंशी</p>
<p><strong>बैकल्पिक खेलाडीः</strong></p>
<p>पवन सर्राफ, सुवास खकुरेल, सन्दीप जोरा, किशोर महतो</p>
<p> </p>
प्रतिक्रिया दिनुहोस्
.jpg)
