आफ्नै बिहेकाे कार्ड बाँडेर फर्कंदै गर्दा टिपरले लियाे रमिताकाे ज्यान
<p>कैलाली। कञ्चनपुरकाे महेन्द्रनगरस्थित चम्मन चाेकमा आज दिउँसाे टिपरकाे ठक्करबाट भीमदत्त नगरपालिका– १६ गोबरीयाकी रमिता भट्टकाे मृत्यु भयाे। </p>
<p>से१क ८८७ नम्बरको टिप्परले साइकलमा सवार भट्टलाई ठक्कर दिएको थियो।</p>
<p>मृत्यु भएकी युवती रमिताकाे चार दिनपछि, १३ माघमा विवाह हुँदै थियाे।</p>
<p>२० वर्षीय रमिताकाे घर बैतडीकाे दशरथ चन्द नगरपालिका–१, गुरुखोला हाे। उनी पढाइका लागि महेन्द्रनगर बस्दै आएकी थिइन्।</p>
<p>जनज्योति बहुमुखी क्याम्पस महेन्द्रनगरमा बि.एड तेस्रो वर्षमा अध्ययनरत रमिता आफ्नै विवाहको कार्ड वितरण गरेर डेरामा फर्कने क्रममा टिपरले ठक्कर दिएकाे खुलेकाे छ।</p>
<p>टिपर र चालकलाई नियन्त्रणमा लिइएको कञ्चनपुर प्रहरीका प्रवक्ता डीएसपी नरेन्द्र चन्दले बताए।</p>
प्रतिक्रिया दिनुहोस्
.jpg)
