थ्री बाई थ्री वेष्टको उपाधि कास्कीलाई
<p>काठमाडौं। कास्की बास्केटबल संघले आज टाइम्स क्लब ‘ए’ लाई २१–१४ ले हराउँदै थ्री बाई थ्री वेष्ट बास्केटबल प्रतियोगिताको उपाधि जितेको छ।</p>
<p>पश्चिमका तीन शहरहरू पोखरा, बुटवल र धनगढीका विजेता र उपविजेताले थ्री बाई थ्री वेष्टको फाइनल चरणमा स्थान बनाएका थिए। कास्की पोखरा लिगको विजेता टीम हो भने टाइम्स धनगढी लिगको विजेता टीम हो।</p>
<p>बुटवलबाट टाइम्स क्लब ‘बी’ र न्यू होराइजन क्लबले फाइनल चरणका लागि स्थान बनाएका थिए। पोखराबाट रामघाट र धनगढीबाट सुदूरपश्चिम फाउण्डेशन फाइनल चरणको लिग खेल्ने अन्य दुई टीम हुन्।</p>
<p>सहभागी ६ टीमलाई दुई समूहमा विभाजन गरी डबल एलिमिनेसन पद्धतिमा खेलाइएको थियो।</p>
<p>विजयी टीम कास्कीले ५० हजार रूपैयाँ र उपविजेता टाइम्स ‘ए’ ले २५ हजार रूपैयाँ पुरस्कार जितेको छ। प्रतियोगिताको मोस्ट भ्यालुएबल प्लेयर कास्कीका सोनाम पुन घोषित भए। उनले फाइनलमा कूल ४० स्कोर गरेका थिए।</p>
<p>थ्री बाई थ्री वेष्ट बास्केटबल नेपाल बास्केटबल लिग प्राइभेट लिमिटेडको चौथो कार्यक्रम हो। यसअघि नेपाल बास्केटबल लिगले थ्री बाई थ्री इस्टको पनि आयोजना गरेको थियो भने काठमाडौंमा महिला र पुरुषको नेपाल बास्केटबल लिग गरेको थियो। थ्री बाई थ्री सेन्ट्रलको पनि आयोजना गर्ने बताइएको छ।</p>
प्रतिक्रिया दिनुहोस्
.jpg)
