छाउगोठ बस्न बाध्य पारेको अभियोगमा जेठाजु जेल चलान
<p>कैलाली। छाउगोठमा बुहारीको मृत्युपछि पक्राउ परेका अछाम साँफेबगर नगरपालिका-३ सिद्धेश्वरका छत्र रावतलाई अछाम जिल्ला अदालतले ४५ दिनको कैद फैसला सुनाएको छ।</p>
<p>गत १५ मंसीरमा भाइबुहारी २२ वर्षीया पार्वती बुढा रावतको महीनावारी भएको बेला छाउगोठमा बस्दा मृत्यु भएको थियो।</p>
<p>जिल्ला न्यायाधीश नवीनकुमार जोशीको इजलासले ८ माघमा रावतलाई ४५ दिनको कैद फैसला सुनाएको स्रेस्तेदार प्रेमप्रकाश थापाले जानकारी दिए।</p>
<p>छाउगोठमा बस्न बाध्य पारेको आरोपमा पक्राउ परेर कानूनी कारबाहीमा पर्ने रावत पहिलो व्यक्ति हुन।</p>
<p>रावत यसअघि अदालतको आदेशमा २५ दिन प्रहरी हिरासतमा बसेर १५ हजार रुपैयाँ धरौटी बुझाएर रिहा भएका थिए ।</p>
प्रतिक्रिया दिनुहोस्
.jpg)
