साथीको छुरा प्रहारबाट भक्तपुरमा एक किशोरको मृत्यु
<p>भक्तपुर। मदिरा सेवन गरी सामान्य विवाद हुँदा आफ्नै साथीको छुरा प्रहारबाट एक किशोरको मृत्यु भएको छ।</p>
<p>भक्तपुर नगरपालिका-६ भोलाछेंमा भएको विवादमा छुरा प्रहार गर्दा भक्तपुर-१० चोखा कमलविनायकका १५ वर्षीय रोहन सुवालको गएराति मृत्यु भएको प्रहरीले जनाएको छ।<br />
<br />
छुरा प्रहारपछि फरार रहेका १५ र १६ वर्षीय दुई किशोरलाई प्रहरीले सिद्वपोखरीस्थित कान्तिपुर गेष्टहाउसबाट पक्राउ गरी अनुसन्धान शुरू गरेको महानगरीय प्रहरी परिसर भक्तपुरका प्रमुख एवं प्रहरी उपरीक्षक सबिन प्रधानले बताए।</p>
<p>प्रहरीका अनुसार चार/पाँच जना साथीसँगै बसेर मदिरा सेवन गर्दा भएको सामान्य विवादमा साथीले सुवालको छातीमा छुरा प्रहार गरेको प्रारम्भिक अनुसन्धानबाट खुलेको छ। <em>रासस</em></p>
प्रतिक्रिया दिनुहोस्
.jpg)
