संखुवासभामा बमसहित एकजना पक्राउ
<p>संखुवासभा। संखुवासभाको सभापोखरीबाट रेडबुलको बट्टा र प्रेसर कुकरमा बनाइएको बमसहित प्रहरीले एकजनालाई पक्राउ गरेको छ।</p>
<p>जिल्ला प्रहरी कार्यालयले आज पत्रकार सम्मेलन गरेर बमसहित पक्राउ परेका मादी नगरपालिका–५, मूलखर्कका सोमबहादुर तामाङलाई सार्वजनिक गरेको हो।</p>
<p>सोमबहादुरको साथबाट प्रहरीले एक क्वायल कालोतार, प्लाष्टिकले मोडिएको बम, ३३ नम्बरको डेटोनेटर ९ थान, सकेट बम एक थान, रातो सेफ्टीफ्यूज दुई इन्च र अन्य बन्दोबस्तीका सामग्री फेला पारेको हो।</p>
<p>सोमबहादुरको साथबाट फेला परेका सबै प्रकारका बम सेनाको खाँदबारीमा रहेको बराहदल गुल्मका सहसेनानी टङ्क कुँवरको टोलीले डिस्पोज गरेको प्रहरीले जनाएको छ।</p>
<p>प्रहरीले सोमबहादुरलाई सभापोखरी गाउँपालिका–३, सुनाम्लाबाट विशेष सुराकीका आधारमा ७ माघमा पक्राउ गरेको थियो। <em>रासस</em></p>
प्रतिक्रिया दिनुहोस्
.jpg)
