भाग्यमानी उमेश: मृत्युदण्डको सजायबाट उम्किएर नेपाल फर्किए
<p> </p>
<p>धनुषा । पाकिस्तानी नागरिकको हत्या अभियोगमा साउदी अरबमा मृत्युदण्ड सजाय पाएका धनुषा कमला नगरपालिका–३ का ३९ वर्षीय उमेश यादव नेपाल फर्किन सफल भएका छन्।</p>
<p>यादव आज बिहान काठमाडौं आइपुगेका हुन्।</p>
<p>आम माफी पाएर नेपाल फर्केका उमेशलाई त्रिभुवन अन्तर्राष्ट्रिय विमानस्थलमा स्वागत गरिएको छ।</p>
<p>सन् २००६ मा पाकिस्तानी सहकर्मीको हत्या अभियोगमा यादवलाई मृत्यु दण्डको सजाय सुनाइएको थियो।</p>
<p>पाकिस्तानी नागरिक मोहम्मद लतिफ वासिरको हत्या गरेको अरोपमा यादवलाई साउदी अरबमा मृत्युदण्डको सजाय सुनाइएको हो।</p>
<p>१५ अप्रिल सन् २०१८ मा साउदीको जुबेल जनरल कोर्टले उमेशलाई ‘घाँटी काटेर २४ घण्टा झुण्ड्याउने’ आदेश गरेको थियो।</p>
<p>वैदेशिक रोजगारीको शिलशिलामा उमेश सन् २००६ मा साउदी पुगेका थिए।</p>
<p>त्यहाँ पुगेको केही महीनामा पाकिस्तानी सहकर्मीवीच विवाद भएको र मृत्यु भएपछि उमेशलाई त्यहाँका प्रहरीले हत्या आरोपमा पक्राउ गरी कारबाही प्रक्रिया अगाडि वढाएको थियो।</p>
<p>उमेशलाई जुबेल जनरल कोर्टको आदेशमा साउदीकै जुबेल जेलमा राखिएको थियो।</p>
<p>घटनाको जानकारी सार्वजनिक भएसँगै जनकपुरका सामाजिक अभियन्ता सरोज रायले जीवनरक्षाको पहल गरेका थिए।</p>
<p><img alt="" height="622" src="https://www.dekhapadhi.com/storage/photos/shares/Bahirako Nepal/Umesh Yadav_Saudi_Mritudand_Aamamafi (2).jpg" width="960" /></p>
<p>अभियन्ता रायले परराष्ट्र मन्त्रालयसँग पहल गर्दै मृतक पाकिस्तानी नागरिकको घर पुगेर उमेशको जीवनरक्षाको आग्रह गरेका थिए।</p>
<p>मृतकका परिवार उमेशलाई बचाउन सकारात्मक भएपछि अभियन्ता राय क्षतिपूर्तिसहित ब्लडमनी लगायत अदालती प्रक्रियामा सक्रिय भएका थिए।</p>
<p>नेपालबाट वैदेशिक रोजगारीको क्रममा विभिन्न देशमा रहेका नेपालीबाट संकलित सहयोगले मृतक परिवारलाई तीस लाख पाकिस्तानी रूपैयाँ ब्लडमनी दिएपछि मृतक परिवारले माफी दिएको अभियन्ता रायले बताए।</p>
<p>माफी पाएपछि सउदीको जुवेल कोर्टले उमेशलाई आम माफी दिँदै १४ वर्षपछि रिहा गरेको हो ।</p>
<p> </p>
प्रतिक्रिया दिनुहोस्
.jpg)
