पहिरोले अवरुद्ध नारायणगढ-मुग्लिन सडक सञ्चालनमा
<p>चितवन। नारायणगढ-मुग्लिन सडक खण्डमा खसेको पहिरो पन्छाइएपछि सडक सञ्चालनमा आएको छ।</p>
<p>जिल्ला प्रहरी कार्यालय, चितवनका अनुसार इच्छाकामना गाउँपालिका-६ तुइन खोलामा गएराति सुख्खा पहिरो खसेको थियो।</p>
<p>पहिरो खसेर अवरुद्ध बनेको सडक पहिरो पन्छाएपछि आज बिहानबाट सञ्चालनमा आएको नारायणगढ-मुग्लिन सडक आयोजनाका सूचना अधिकारी शिव खनालले बताए।</p>
<p>खनालका अनुसार पहिरो पन्छाउन दुईवटा जेसीभी र एउटा लोडर प्रयोग गरिएको थियो।</p>
<p>एक वर्षअघि विस्तारको काम गरिएको सो सडकमा अहिले पहिरो रोकथामको काम भइरहेको छ।<em>रासस</em></p>
प्रतिक्रिया दिनुहोस्
.jpg)
