स्कुलबाट फर्कंदै गरेका बालकले दुर्घटनामा ज्यान गुमाए
<p> सप्तरी। स्कुलबाट फर्कंदै गरेका एक बालकको सडक दुर्घटनामा परी मृत्यु भएको छ।</p>
<p>काठमाडौंबाट झापातर्फ छुटेको बा३ख ७९७७ नम्बरको गाडीको ठक्करबाट शम्भुनाथ नगरपालिका–१ खोक्सर प्रवाहा बस्ने रामकुमार चौधरीको आठ वर्षीय छोरा प्रशान्तको आज मृत्यु भएको प्रहरीले जनाएको छ।</p>
<p>घटनालगत्तै पुगेको इलाका प्रहरी कार्यालय रुपनीले गाडी र चालक विपिन थापालाई नियन्त्रणमा लिई कारबाही अगाडि बढाएको जिल्ला प्रहरी कार्यालय सप्तरीका प्रहरी निरीक्षक यमलाल बञ्जाडेले बताए।</p>
<p>तीब्र गतिमा रहेको गाडीले बालकलाई ठक्कर दिएको प्रहरीले जनाएको छ। <em>रासस</em><br />
</p>
प्रतिक्रिया दिनुहोस्
.jpg)
