मोरङको मिक्लाजुङमा बम विस्फोट, तीन वटा स्काभेटरमा क्षति
<p>विराटनगर। मोरङको मिक्लाजुङ गाउपाँलिकास्थित रमितेमा बम विस्फोट गराएर तीन वटा स्काभेटरमा क्षति पुर्‍याइएको छ। </p>
<p>बम विस्फोटबाट निर्माणाधीन मिक्लाजुङ–आइतबारे सडक निर्माणका लागि राखिएका तीन वटा स्काभेटरमा क्षति पुगेको छ। </p>
<p>गाउँपालिकाकी उपाध्यक्ष सरला राईका अनुसार प्रदेश–१ सरकारको ५८ करोड ५६ लाखको बजेटमा ठेक्का स्वीकृत भइ सडक कालोपत्रे गर्ने क्रम जारी छ।</p>
<p>सडक चौडा गर्दै सुके आहालको साकेला मेला लाग्ने ठाउँमा पुगेको तीन वटा स्काभेटरमा बम हानेर क्षति पुर्‍याइएको जिल्ला प्रहरी कार्यालय मोरङले जनाएको छ।</p>
<p>विस्फोट कसले र किन गराए भन्ने खुल्न सकेको छैन।</p>
<p>सडक निर्माणको क्रममा कसैले चन्दा मागेको हुनसक्ने र नदिएपछि रिसिइबीले वा प्रतिबन्धित नेकपा समूहले विस्फोट गराएकोे हुनसक्ने प्रहरीको आशंका छ। </p>
प्रतिक्रिया दिनुहोस्
.jpg)
