हत्या आरोपमा तीन जना पक्राउ
<p>काठमाडौं। जिल्ला प्रहरी कार्यालय पर्साले हत्या गरेर फरार रहेको आरोपमा तीन जनालाई पक्राउ गरेको छ।</p>
<p>वीरगञ्ज महानगरपालिका–२२ जगरनाथपुरस्थित बाँसघारीमा बहुदरमाई नगरपालिका–७ बस्ने २५ वर्षीय सुरेन्द्र सहनीको हत्या गरी फरार रहेका तीन जनालाई प्रहरीले पक्राउ गरेको हो।</p>
<p>पक्राउ पर्नेमा वीरगञ्ज महानगरपालिका–११ श्रीपुर बस्ने २२ वर्षीय अजय कुमार साह, २० वर्षीय राजन साह कानु र सोही ठाउँस्थित रानिघाट बस्ने २० वर्षीय कृष्ण कुमार गुप्ता रहेका छन्।</p>
<p>१९ पुसमा सुरेन्द्रको चक्कु प्रहारबाट हत्या भएको घटनाको अनुसन्धान गर्ने क्रममा घटनामा संलग्न रहेको आरोपमा उनीहरुलाई प्रहरीले पक्राउ गरेको हो। </p>
<p>यस सम्बन्धमा प्रहरीले थप अनुसन्धान गरिरहेको जनाएको छ। </p>
प्रतिक्रिया दिनुहोस्
.jpg)
