संकटा क्लब र ब्रिगेड ब्वाइजले अंक बाँडे
<p>काठमाडौं। गत सिजन दोस्रो स्थानमा रहेर लिगको अन्त्य गरेको संकटा क्लबले आज शहीद स्मारक ‘ए’ डिभिजन लिगमा ब्रिगेड ब्वाइजसँग गोलरहित बराबरी खेलेको छ।</p>
<p>सातदोबाटोस्थित एन्फा मुख्यालयको मैदानमा संकटाले खेल नियन्त्रणमा राखे पनि पाएको अवसरलाई सदुपयोग गर्न नसक्दा अंक बाड्न बाध्य भयो।</p>
<p>बराबरीपछि सात खेलबाट ९ अंक जोडेको संकटा आठौं स्थानमा छ। संकटाले दुई खेल जितेको छ भने दुई खेल हारेको छ। तीन खेल बराबरी खेलेको छ।</p>
<p>युवा खेलाडीको बाहुल्यता रहेको ब्रिगेड ब्वाइज संकटाभन्दा एक स्थान तल छ। ब्रिगेड ब्वाइजको आठ अंक छ। ब्रिगेड ब्वाइजले दुई खेल जितेको छ भने तीन खेल हारेको छ। दुई खेल बराबरी खेलेको छ। ब्रिगेडका विशाल सुनार म्यान अफ दी म्याच घोषित भए।</p>
<p>लिगमा आजै दशरथ रंगशालामा शीर्ष स्थानको त्रिभुवन आर्मी क्लबले च्यासल युथ क्लबसँग प्रतिस्पर्धा गर्नेछ।</p>
प्रतिक्रिया दिनुहोस्
.jpg)
